Spjall fyrir Chihuahua eigendur


    Breyttar sýningarreglur HRFÍ

    Share

    Admin
    Admin

    Posts : 18
    Join date : 2009-02-04

    Breyttar sýningarreglur HRFÍ

    Post  Admin on Wed Feb 04, 2009 5:31 am

    Tilkynning frá sýningastjórn

    Tvær breytingar á sýningareglum taka gildi 1. janúar 2009. Þær eru eftirfarandi:

    II. kafli, Sýningaskilmálar, 2. gr, fyrri mgr, breytist þannig, að í stað þess að kveða á um að sýnandi hunds verði að vera fullra 13 ára, skal hann að lágmarki verða 13. ára á árinu. Fer þá saman aldurslágmark sýnenda og eldri hóps ungra sýnenda, sbr. ákvæði XII kafla um unga sýnendur: "Aldurslágmark sýnanda hunds skal vera 13. ára (ártal gildir). Í dómi skal sýninganúmer hunds vera skýrt á hægri hlið sýnanda."

    XIV. kafli, Einkunna- og verðlaunaborðar, borðar fyrir einkunnir Excellent, Very Good, Good og Sufficient, breytast þannig að einn litur verður fyrir hverja einkunn:

    Excellent / 1. sæti: rauður borði
    Very Good / 2. sæti: blár borði
    Good / 3. sæti: gulur borði
    Sufficient / 4. sæti: grænn borði.

    Samræming á sýningareglum hundaræktarfélaga Norðurlandanna er nú í fullum gangi og gera má ráð fyrir frekari breytingum á reglum okkar þegar henni lýkur. Ekki er þó gert ráð fyrir neinum grundvallarbreytingum á núverandi sýningakerfi. Þess má geta, að aðrar Norðurlandaþjóðir hyggjast taka upp FCI-einkunnir (Excellent, Very Good osfmv.) og haga borðalitum þannig að einn litur sé fyrir hverja einkunn.

    Þá hefur sýninganefnd, í samstarfi við stjórn HRFÍ, ákveðið að draga saman seglin í kostnaði við sýningar og hætta að veita hvítar og bláar rósettur fyrir alþjóðlegtmeistarastig annars vegar og BHT II sæti hins vegar. Þess í stað verður hægt að kaupa rósetturnar á kostnaðarverði á bás HRFÍ á sýningum eða á skrifstofu félagsins, eftir sýningar, gegn framvísun umsagnarblaðs. Eftir sem áður verða veittar rósettur fyrir besta hund tegundar og í úrslitum sýningar.

    Í öðrum fréttum má nefna, að þann 1. janúar 2009 taka í gildi nýjar reglur hjá aþjóðasamtökum hundaræktarfélaga, FCI, um aþjóðlegan sýningameistaratitil (C.I.E) fyrir þau hundakyn sem sett eru undir vinnupróf í FCI Breeds Nomenclature. Til að eiga kost á þessum nýja titli, þurfa hundar af viðkomandi kynjum að hafa hlotið fjögur aþjóðleg meistarastig (CACIB) í a.m.k. þremur löndum og undir þremur dómurum. Eitt ár og einn dagur þarf að lágmarki að líða á milli fyrsta og síðasta stigs. Stjórn HRFÍ hefur sótt um að fá sömu undanþágu vegna þessa titils og það hefur vegna IntCh titils; þ.e. að íslenskir hundar geti safnað stigunum hér á Íslandi, en frá þremur dómurum sem koma frá amk. þremur mismunandi löndum. FCI hefur einnig óskað eftir því að skammstafanir fyrir titla verði samræmdar á eftirfarandi hátt: C.I.B. (Alþjóðlegur fegurðarmeistari) - samsvarar núverandi INTCH / INTUCH skammstöfun C.I.T. (Alþjóðlegur vinnumeistari) C.I.E. (Alþjóðlegur sýningameistari) - nýi titillinn, sbr. að ofan.

    Admin
    Admin

    Posts : 18
    Join date : 2009-02-04

    Re: Breyttar sýningarreglur HRFÍ

    Post  Admin on Wed Feb 04, 2009 5:31 am

    Nýjar sýningareglur taka gildi 1. febrúar 2009


    Nýjar sýningareglur taka gildi 1. febrúar 2009. Í þeim er tekið mið af tillögum sem samþykktar voru á fundi hundaræktarfélaga Norðurlandanna (NKU) þann 7. janúar sl., en á næstu misserum munu félögin samræma sýningareglur sínar að verulegu leyti. Þá er nýr sýningameistaratitill FCI skilgreindur auk samsvarandi íslensks sýningameistaratitils.
    Vakin er sérstök athygli á eftirfarandi breytingum:
    Einn borðalitur verður fyrir hverja einkunn, rauður borði fyrir Excellent, blár fyrir Very good osfrmv.
    Heiðursverðlaun í unghunda- og ungliðaflokki falla niður
    Í meistaraflokki verður nú gefin einkunn líkt og í öðrum flokkum.
    Hundar skráðir í meistaraflokk eiga kost á íslensku meistarastigi, séu þeir ekki þegar íslenskir meistarar.
    Hundar skráðir í öldungaflokk eiga kost á íslensku meistarastigi.
    Tekin er út undanþága til að bera krít í feld nokkurra hundakynja.
    Skýrar er kveðið á um rétt til að mótmæla dómi.
    Heimild til endurgreiðslu sýningagjalda vegna veikinda hunds er felld niður.
    Skammstafanir á alþjóðlegum titlum FCI lagaðar að frönsku (að beiðni FCI). Skammstafanir á öðrum titilum lagaðar að ensku.
    Helstu breytingar verða kynntar sérstaklega á fulltrúarráðsfundi þann 11. febrúar.

    Bestu kveðjur,
    f.h. sýningastjórnar

    Lilja Dóra Halldórsdóttir

      Current date/time is Sun Dec 10, 2017 6:48 pm